【Viu】Kay謝安琪、「小明」方皓玟順利完成兩場亞博演唱會，呢次行孖咇反應熱烈，問到兩女有冇諗過延續期間限定，真係組女團先？佢哋即大笑並謙虛以「年紀問題」婉拒，不過坦言之後會認真考慮再crossover，無論係開騷、抑或出合唱歌都好，因為呢次合作得好開心，但只唱得兩場完全唔夠喉，見到班fans超熱情唔捨得走，已約定下次再見，希望今年內可以開part 2，甚至係走tour！
至於噚晚尾場就特別囉，出名「愛妻號」嘅張繼聰臨尾「客串」做嘉賓撐老婆Kay，但原來一切都係借支持之名，自肥為實，趁機宣傳自己10月嘅個唱，笑翻全場！而雙方嘅小朋友都有現身撐場，亦喺後台拖手認識，笑問之後有冇機會對埋親家？Kay同小明都笑稱等小朋友自己發展，另外，小明搞笑話請啱臨記，大讚囝囝Luca賣力應援係專業fans，會獎勵佢上多兩堂芭蕾舞堂咁話！
