【Viu】噚晚《飯戲攻心》首映禮星光熠熠，除咗古天樂以特別嘉賓身份現身，仲有「愛妻號」張繼聰拖住老婆謝安琪一齊放閃出席，搞到全場起哄！另外蘇玉華同老公潘燦良、黃德斌、阿Dee@ERROR、ANSONBEAN、王丹妮、吳肇軒、胡子彤、林家熙、栢天男等都有到場力撐！
問到中秋節會唔會約埋「成家人」一齊慶祝？張繼聰預告已經安排組成咗一group謝票團，到時會瘋狂出動謝票見fans，Ivana就話等埋「大佬」黃子華演埋套舞台劇就一齊食叉燒飯慶功！真係聽見都開心呀！而張繼聰話除咗會帶父母入場睇戲報答長輩之恩之外，仲會陪埋一對小朋友睇戲，希望佢哋有啲血性同人性，睇電影做到身教呢招確係勁！
