【Viu】衞蘭（Janice）、馮允謙（Jay Fung）與張天賦（MC）今日喺荃灣出席動畫《無敵貓劍俠：8+1條命》首映，佢哋同湯令山都有份聲演劇中嘅角色。大會安排佢哋篤汽球為首映揭幕，點知MC影相嗰陣唔小心篤爆咗個波，真係笑爆嘴！之後佢又搞笑做埋司儀（MC）嗰份，安排傳媒同Jay Fung影相，搞到「真MC」朱薰喺台上笑言：「佢搶埋我啲嘢做呀。」
至於早幾日有節目爆「知名男歌手」偷食人哋女友，網民估係MC，不過MC就話冇留意到呢啲新聞，亦表示雖然控制唔到外界點講，但覺得呢個時候最重要嘅係做好自己！
而Jay Fung分享新年願望，話想出年可以放到長假，有時間寫多啲歌，Janice透露已經同公司申請出年去LA讀書，希望到時可以睇多啲騷攞靈感呀！
