【Viu】Dear Jane、MC張天賦、Jay Fung馮允謙噚晚綵排《Chill Club Keep Going音樂會》，三個單位仲會有Crossover，Dear Jane仲話識咗Jay Fung超過10年，呢個騷先首次同台表演。至於MC就會首次現場獻唱高難度新歌《小心地滑》，Jay Fung即大讚佢綵排都有超水準演出。講到新歌被網友指似友台嘅劇集主題曲，MC都有留意，亦唔介意大家二次創作，就當宣傳。Jay Fung就話想請MC做演唱會嘉賓，又搞笑咁問：「係咪免費㗎？」MC反問乜做嘉賓有錢收㗎咩？場面搞笑！
此外，Dear Jane都話餓騷餓咗好耐，所以今年內一定會開騷止痕，稍後都會同其他單位Crossover搞大型演唱會添呀！
