【Viu】一連兩場《Harbour The Sonic-ToNicKOLOR "Stay Awake" LIVE2022》音樂會噚日喺竹翠公園開鑼，雖然只得12度低溫，不過限定組合ToNicKOLOR令全場Hot爆，班觀眾全晚都冇坐過。
KOLOR嘅低音結他手Singz噚日生日，全場唱生日歌送畀佢，感動到佢眼濕濕，臨完騷前又放煙花又除衫。ToNicKOLOR受訪嗰陣話除衫係傳統，Robin話：「但係平時個傳統喺室內囉。」佢哋8個都話呢個限定組合玩得好開心，期待繼續玩落去。
另外，音樂會尾聲時，有歌迷突然衝上台玩「插水」受傷，Sammy話喺台上睇到成個過程：「嗰陣我唱緊歌，唔可以停落嚟，不過大會即刻話我哋知，佢冇事清醒嘅。」佢哋再三叮囑大家睇騷開心之餘，都要注意安全。
