【Viu】Jay Fung馮允謙7月就會舉行首個個人演唱會，個名叫做《Have a JAY Time》，唔少網民都聯想成潮語嘅「J Time」，真係笑死啊，唔知Jay Fung對於呢啲潮語認識又有幾深呢？我哋準備幾個題目考下佢！估唔到佢居然話釗峰好好J，仲讚自己好MM7添，認真搞笑！
講返嚟緊個騷，Jay Fung話要開四面台都幾大挑戰，至於父母會唔會嚟撐場，Jay Fung就話媽媽喺加拿大好多嘢忙緊，要考慮下返唔返嚟喎！而女朋友亦一樣，最近喺加拿大搵到新工，所以未必可以飛返嚟香港，真係慘慘豬啊！不過Jay Fung就抱平常心，有班兄弟坐喺第一行支持自己都好開心咁話喎！講到樂壇新人輩出，Jay Fung都大讚MC、Ian好有心同熱血，希望大家可以齊心完成「全世界都聽廣東歌」呢個目標啊！
