【Viu】保錡、Jay馮允謙、Cloud雲浩影今日現身《新城勁爆頒獎禮2023》記者會。保錡話今年已經唔係新人，冇信心年尾頒獎禮攞歌曲獎。不過仍獲大批Fans到場應援，完活動更爭取同大家合照，果然係好大佬！
過幾日就飛美國紐約，為12月嘅台北馬拉松全馬賽事集訓，問佢英文是咪已經講到Lak Lak聲？保錡梗係即場表演啦，不過又忍唔住晒港普喇！
出發前都忙緊拍有關運動員嘅綜藝，仲有機會跟「神奇小子」曹星如學打拳添！保錡話有朝一日都想上擂台打比賽。
而Jay同Cloud今年都忙其他工作，出歌進度慢咗，所以都唔特別有信心年尾攞獎。Jay早排同Do姐、Jeffrey去迪士尼做嘢，佢仲話驚Do姐添！想知點解？入嚟睇足本訪問片啦！
