【Viu】噚晚嘅《CHILL CLUB Keep Going》演唱會真係好精彩！Anson Lo、Serrini、許廷鏗（Alfred）、Jay Fung、MC 張天賦、Dear Jane同陳蕾輪流上台獻唱，而揭開序幕嘅重任就交畀教主，一連跳唱3首歌令全場陷入瘋狂狀態！是晚佢未有同其他歌手crossover，因為一唱完就即刻變番做「燈仔」趕返片場拍新劇，奸巴爹呢！
而呢個騷嘅「主角」Alfred就話對「覆桌」好期待，重提已釋懷頒獎禮當晚發生嘅小意外，依家隨時可以拎呢件事嚟自嘲，繼續keep going演出。雖然好難確保演出冇差池，但佢笑話開騷前專登搶頭柱香拜神，認真搞笑！
「總理」Serrini換上一套橙色deep V連身裙登場，真係巧性感！不過佢事前受訪笑嘲造型似蘿蔔同埋成個唱遊幼稚園老師咁，戴咗頂類似水母咁嘅頭飾先最搞鬼！佢透露好快就離開香港，遠赴地球西面風流快活，甚至揚言有機會喺當地結婚生子，乜咁爆㗎咩？
