【Viu】洪嘉豪噚日喺近期最凍日子舉行戶外公園音樂會，Kaho衣衫單薄，佢一出場已經喪流鼻水，「鬼叫我貪靚咩！不過我咁大隻係唔怕凍㗎！」講到大隻，Kaho喺有份主演嘅賀歲片《超神經械劫案下》有一幕除褲戲喎！佢搞笑話：「因為唔夠Jeffrey 大隻，佢負責除衫，咁我咪除褲囉！」係咪咁正正子先？
Kaho又話聖誕有意同媽咪食聖誕大餐，不過唔知是咪凍到傻咗又爆媽咪秘密：「我發覺如果俾多啲家用，阿媽係冇咁煩㗎喎！真㗎！幾好笑容，以前唔係咁㗎！」喂呀驚唔驚入唔到家門呀！而講到自己仲未有BLACKPINK演唱會飛，Kaho就話因為同Rosé冷戰緊，拒絕對方留飛俾自己咁話喎！真係俾佢笑死呀！
