【Viu】張敬軒嘅紅館騷，前晚嚟到第11場，呢晚佢邀請咗樂隊ToNick做嘉賓，仲滿足咗佢夾band嘅願望，而ToNick都有送咗裝導演凳俾軒公，不過恆仔就話希望佢拍多啲好作品之餘，仲希望佢要邀請自己做演員，恆仔好識做喎!而噚晚第12場，就要Yoyo岑寧兒，以及軒公嘅老友藍奕邦做嘉賓，Yoyo送咗個擁抱俾軒公，而佢禮尚往來，贊助Yoyo所有錄音，Yoyo即刻嚇到呆咗，開心到「擘大口得個窿」！阿邦就喺encore環節登場，佢仲大讚軒公唔忘本，不過上台太興奮，唔記得將自己親手煲嘅靚湯送俾軒公，唯有完騷後補送啦！
