【Viu】樂隊ToNick最近再出新歌，今次佢哋可以話係唱盡男人心聲！試問普天之下，邊個男人唔鍾意玩具唔鍾意車㗎？ToNick當然都唔例外啦！所以佢哋希望藉住呢首歌，為一班活喺水深火熱之中嘅巴打打打氣，即使你哋嘅興趣得唔到另一半支持，甚至係受到打壓但係你哋都絕不孤單，因為大家都係同路人啊嘛！而且今次新歌MV除咗喺大型玩具舖取景，有大量珍貴模型收藏入鏡之外，仲請嚟多位玩具愛好者參與拍攝！成班男人圍埋一齊講玩具，真係好傾到唔想收工，卒之MV出到嚟有成12分半咁長！佢哋仲向廣大巴打無私分享獨門絕招，幫大家瞞住另一半安心入貨！
