【Viu】「未來音樂選 TONE Music Awards 2022」昨日舉行記者會，邀請約半百音樂唱創單位到場，主辦代表Jan Curious（阿水）、Jason N宣布舉辦首屆頒獎禮，並揭曉冰雕「未來」獎座。樂隊KOLOR直言為香港樂隊而歡呼，喜見音樂終於分7大類別，但對獎項就平常心，而佢哋透露10月1日音樂祭打頭陣登場，已諗定特別嘅登場方式。
久未受訪嘅藍奕邦，講到佢早前因成密切接觸者而缺席好兄弟周國賢處男紅館騷，佢直言冇得做嘉賓好唔開心，有晚仲流下男兒淚添！佢期待周仔之後開Part 2再做嘉賓，提到周仔當日自爆已離婚，邦邦指有做陪伴嘅角色。
MC $oho & KidNey話對冰雕獎座設計最感興趣，有機會攞獎嘅話就諗住徒手接唔怕整濕件衫咁話。麗英同Sinnie笑話完全冇諗過拎到入場門票，參加頒獎禮可以化身成小迷妹，所以攞唔攞獎已經唔係重點，志在參與！笑問會唔會用美色拉票？麗英就即刻諗到條妙計，即刻聽佢點講啦！
