【Viu】 古巨基音樂企劃「I Really Love To Sing」第二炮請來MC張天賦合作，新歌《自我安慰》已經推出，MV上架兩日點擊已經超過30萬，唔少Fans都讚佢哋把聲勁夾呀！講到有機會同偶像古Sir crossover，MC話當初諗都冇諗過，「你諗吓有一日你瞓醒，『喂，我係古巨基呀……』嗰吓係好突然，用言語解釋唔到，但係真係好surprise！」佢仲話細細個就鍾意扮基仔唱歌，甚至假音都係基仔中學習練成。基仔就話對MC印象深刻，「每一個時代嘅樂壇都需要一啲好有實力嘅唱將，做一啲可以繼續流傳落去嘅歌。我聽到MC唱歌嘅時候，覺得佢嘅能力係呢個樂壇、呢個時代，其中一位非常有實力嘅唱將。」
