【Viu】MC張天賦今日一身白馬王子look現身珠寶品牌活動，咁靚仔得唔得㗎！講到近日佢fans club嘅TG group admin 「PY（Yee Yee）」，網上發表連串疑似針對好兄弟洪嘉豪嘅不滿言論，MC就話：「最近都冇，都冇時間睇呢啲新聞，而嘉豪又冇因為呢件事而搵我，咁即係冇乜大件事，所以就冇乜理會。」問MC有冇覺得該Yee Yee過咗火位，MC話交返俾公司處理。至於Kaho噚日出席活動受訪表示100%支持「院友」做事、決定，又謂近日種種言論絕對無損同MC「在心中」嘅兄弟情，並讚對方係一位有才華同吸引力嘅歌手，無論如何都一定會有好好嘅發展。同時佢宣布11月將會喺竹翠公園舉行處男演唱會，現正專心籌備，更搞笑話要做跳唱創作歌手，到時必定再獻舞技！
