【viu】繼MC張天賦嘅私人助理Yee Yee早前鬧出連串是非後，「賦豪CP」呢日首度合體出騷，佢哋話一句都再冇傾過呢件事，之間亦絕對唔會有芥蒂，加上之前已經回應晒就冇需要延伸：「在心中！感情不變好兄弟！」又呼籲大家專注番落佢哋嘅個人演唱會上，講到最近開騷嘅就梗係Kaho洪嘉豪，倒數40幾日密密操弗兼練歌、排舞，仲預告唔諗住閉關，繼續開工拍電影、派新歌同「院友」見面！
而一直都未公布演唱會詳情嘅MC，就話近排開始做番gym，自爆第一次操番係想作嘔、心跳適應唔到，一度有想放棄嘅念頭，不過都會繼續努力！雖然目標唔係為騷肌，但佢笑住話到時要騷嗰陣都有得揀，果然醒目！咁多位「賦二代」等你派福利呀！
