【Viu】Serrini噚日出席聖誕亮燈儀式，除咗有兩個小鮮肉傍實，仲有專人擔遮，知道條女咩料啦！Serrini視下周同Ivana王菀之開騷係事業生涯最大挑戰，事關Ivana對聲音、形態嘅要求都好高，壓力山大呀！
至於Serrini嘅另一挑戰，莫過於係周日同林家謙做頒獎禮司儀喇，自己好緊張寫司儀稿，相反家謙就好chill，仲話Serrini咁多嘢講，一定搞得掂，十足十讀U時分組做Project嘅Free Rider咁，令佢想同家謙絕交呀！
講到條女殺入叱咤「我最喜愛的女歌手」七強，Serrini就矛盾緊應唔應該拉票，又搞笑話自己一定係家謙心目中最喜愛嘅女歌手，事關做對方紅館個唱嘉賓條數仲未找。再講到好友Tyson Yoshi同商台有啲磨擦，Serrini直言對方向來唔太care頒獎禮。
