【Viu】 張敬軒嘅紅館騷，噚晚(14號)迎接第5場，擔任嘉賓嘅Serrini一上台，軒公就講笑話對方件戰衣有啲似小鳳姐，勁玩得嘅Serrini話：「我係似雀仔係咪？其實呢件係絲絨被。」，另外Serrini更準備咗盆鑽石砌割的心形葉做禮物送比軒公，Serrini仲話唔使點淋水，drydry哋就得，之後軒公勁抵死咁回應：「好似我咁，係唔係？」，笑爆全場！Serrini落咗台之後，聽到《櫻花樹下》嘅音樂響起，仲學林家謙同TysonYoshi喺後台自拍唱惡搞版，高歌：「泰國捐精～」，真係笑死啊！而呢晚演唱會，軒公更4度encore，同歌迷大合唱，場面勁震撼啊！
而一班澱粉唔單止到場支持，仲花咗唔少心思準備應援物，除咗紙紮鐘，最近仲多咗個戲棚嘅花牌，搞到軒公都忍唔住轉發，兼留言話「點解人哋啲應援物咁靚，我啲應援物咁特別。」，仲話「爭個化寶盤喎大佬」，認真搞笑！
