【Viu】Sinnie最近推出新歌《臉紅時我想看穿你的心臟》，今靈感嚟自朋友嘅經歷，講一個人想睇穿心儀對象諗法嘅故事，而歌名一貫Sinnie嘅風格，繼續超過10個字，佢解釋solo系列作品歌名之所以咁長，係因為有日本嘅感覺，參考咗日劇、動漫嘅標題諗出嚟嘅，希望透過一個分句令歌名同首歌相輔相成，帶出首歌背後隱藏嘅意思，等大家一睇歌名就知係Sinnie嘅作品咁話喎！Sinnie仲透露會將呢系列嘅歌整合成一個合輯添，係咪好期待呢？雖然Sinnie既係Lolly Talk成員，又係樂隊晚安莉莉主音，自己仲有solo活動，雖然咁多身份，但喺創作音樂嗰陣，Sinnie就話冇刻意劃分返3種唔同風格嘞！
而對於Lolly Talk成員solo發展，Sinnie都好支持，仲話自己都好想寫歌俾其他成員，但就希望隊友唔好催佢，事關佢好多歌債喺手啊！被問到最想寫歌俾邊位歌手，Sinnie晰刻變成小fans話好欣賞王菀之同周國賢，佢仲話係因為Ivana同Endy先想成為唱作歌手添！而嚟緊喺《未來音樂祭》終於可以同偶像同台演出，Sinnie都勁興奮啊！
