【Viu】女團Lolly Talk日前推出第一首派台歌曲《三分甜》，MV上架九日後點擊率已超過50萬，成績不俗，今日Lolly Talk就齊人去到新城電台宣傳新歌，Sinnie話佢哋係第一次全日走訪不同電台做訪問，感覺新鮮，仲踢爆成員Yanny 、阿妹、Meimei之前做訪問講到喊！
阿蛋話見到好多留言問佢點解MV內會戴假髮，佢解釋想每個MV都有唔同造型，仲好多謝何佩、張天穎、盧芷韻、波仔等等幫忙客串MV，大家一拍即合！而下一首新歌已經準備當中，成班女仔構思時都勁興奮，預告風格會有唔同。
阿Yo、阿妹同樣係今屆DSE考生，琴日就係放榜日，阿Yo話成績比預期中低咗少少，阿妹成績就比預期中高，但最緊要係佢哋家人都滿意成績，放心俾佢地繼續追夢。
