【Viu】Lolly Talk嘅新歌《三分甜》，呢個歌名由來原來係同成員飲手搖飲品嘅糖度有關㗎！呢啲係咪叫靈感來自生活啊？而喺拍攝MV嗰陣，都有唔少趣事發生，仲勾起當時仲喺DSE考生嘅阿妹同阿Yo嘅讀書回憶添！MV上架唔夠一個月就突破100萬點擊，認真威威豬！見到fans嘅肯定，8位成員當然開心到爆啦，加上之前喺麥花臣參加《花漾女生音樂祭》演出，都有勁多fans撐場，所以佢哋都希望快啲舉辦到自己嘅專場，同fans近距離接觸。
另外佢哋仲帶咗自己嘅學生相同大家開心些牙，想睇到8位成員青澀嘅一面就要即刻睇片啦！
