【Viu】Dee姐陳海寧今日現身尖沙咀出席健康飲品活動，一身夏日裝束微露纖腰，勁fit，會唔會因為之前拍咗電影《深宵閃避球》而變咗運動健將有關？Dee姐笑言：「我不嬲都冇運動細胞，拍完戲之後以為自己勁咗，但之前拍節目食咗成個波餅，就知我真係唔得得喇！」講到呢部戲係同兒時偶像鄭伊健合作，Dee姐表現心心眼：「唔係老套，我真係細細個睇佢，03年已鍾意佢，佢啲碟都有儲。所以當初知可以同佢拍戲，我真係想唔收錢呀！」
講到佢又有戲拍又多廣告又盛，應該賺埋唔小？Dee姐解釋話：「可惜我唔識投資，亦冇安全感唔敢投資，啲錢都係收埋喺床下底算。」咁要搬間大屋先夠收喎！
