【Viu】古天樂監製兼主演嘅科幻電影《明日戰記》足足花咗10年時間去完成，仲斥資4.5億港元，堪稱香港影史歷年最大規模製作！戲中大玩CG之外，亦有實景拍攝，喺公路同機械人打鬥嘅場景，就係由觀塘繞道同東廊合成出嚟㗎，古仔話既然咁難得打造本地科幻片，佢都想多啲呈現呢個城市嘅細節同色彩！而拍檔劉青雲就話拍呢部戲真係長知識，好多科技上嘅拍攝都係佢意料之外，仲話唔拍呢部戲都唔知原來呢個世界有咁多綠布添，真係笑死啊！而經過今次合作，青雲仲發現咗古仔一個好大嘅進步添！
另外對於網民發起力撐古天樂行動，買飛入場支持新戲，古仔都好開心好感動，希望今次部戲可以成功，繼而製作更多唔同本地科幻片，佢仲話其實已經構思好續集添啦！
