【Viu】由古天樂、劉青雲、劉嘉玲、姜皓文主演，張家輝客串嘅第一齣港產科幻動作片《明日戰記》終於上咗畫喇！呢齣90%都是CG嘅電影，古仔除咗係演員又係監製，做開CG嘅吳炫輝話當初一知道同古仔合作，心情真係既緊張又興奮。吳導仲話監製古仔從頭跟到尾，由角色到好多細節位都親力親為。《明日戰記》嘅演員份量十足，作為新導演嘅吳炫輝，話唔覺得因此有好大壓力，至於演員們第一次面對咁多CG場口，佢就話大家都好專業，特別喺天時暑熱要著皮褸同埋膠盔甲，真係少啲耐力都唔掂，而姜皓文仲因為個駁髮造型生頭瘡，不過敬業樂業嘅佢一啲怨言都冇，吳導仲讚佢好體貼呀！
