【Viu】樂隊Nowhere Boys噚晚於麥花臣舉行一場「Know Where to Go 音樂會 2022」，相隔超過半年再開騷，歌迷都high爆企起身全場跟住唱，主音Van跳唱為AK@MIRROR作曲嘅動漫歌《信之卷》時話要為MIRROR紅館騷提前熱身，氣氛勁高漲！事後Van指今次應該係首度現場演唱《信之卷》，實行提早幫樂迷預習MIRROR嘅紅館騷啊！而對於今次演唱會只開一場，五子都瘋狂表示唔夠喉，期望疫情完結可以再開戶騷，覺得烈日當空下演出非常熱血，即使中暑都唔怕喎！Hansun為演唱會採排時因為太暗不慎從樓梯仆低導致拗柴，但佢全晚仍然喪跳，隊友即指Hansun上次開騷成個人跌落台直插都冇事，反而行落樓梯就出事！另外，呢晚演出，漁佬6歲大嘅囝囝都有嚟撐場，漁佬仲爆囝囝唔單止鍾意聽《Superpowers》同《最後的搖滾》，仲識跟住唱添！
