【Viu】電影《飯氣攻心》噚日派出張繼聰、陳湛文做代表，去到太古城戲院首場優先場謝票，明禎BB雖然未能到場，但好sweet咁即場開live同fans互動，而身在紐約嘅導演陳詠燊都有拍片支持！阿聰同陳湛文均對票房充滿信心，成績好就希望電影公司搞慶功宴或者拍續集。講到呢次同黃子華合作，阿聰話係有難度㗎，難就難在點樣將子華神由一個神降呢做家人、大佬，好彩電影公司開拍前安排咗好多排戲、圍讀時間，陳湛文又謂子華神願意紆尊降貴，令佢哋更快打成一片，希望有日一齊謝票！
另外，阿聰最近推出唔少音樂作品，除咗出咗兩首單曲《一個人的武林》同《Let’s Take It Easy》之外，仲為MIRROR成員Jeremy嘅第二首Solo《九》作曲，佢感謝Jeremy令佢冇脫節：「驚啲歌擺擺吓要向粵劇方面發展。」認真funny！
