【Viu】相信好多歌迷都已經睇過Anson Kong新歌《信之卷》嘅全動畫MV，係咪都有俾故事同畫面震撼到呢？其實就係出自Tommy Ng同崔氏兄弟三位大神之手，希望透過一啲大家都有共同回憶嘅動畫，喚醒觀眾嘅童真、勇氣同善良！不過喺創作前期，隨時兄弟都有諗過要縮沙，因為製作時間實在太緊迫，好容易會出事，但係一聽到AK想以《數碼暴龍》為MV藍本，佢哋最後都決定將自己推向極限完成任務！直至目前為止， MV點擊已經超過220萬，佢哋都好多謝呢股MIRROR效應，令本地原創動畫再次受到關注，希望可以透過不斷嘅努力同堅持，令香港動畫可以達到國際層面！
