【Viu】 Anson Kong今年第一首solo歌《信之卷》嘅MV噚晚首播，雖然MV見唔到老闆嘅靚仔真人，不過就有動漫版AK，終於圓佢童年夢想做動漫男主角！而且AK作為《數碼暴龍》嘅die-hard fan，今次MV都加入咗好多同呢套動漫相似嘅元素，自肥超成功，真係開心死佢啦！除咗動漫元素，MV入面仲有好多同AK、MIRROR相關嘅彩蛋，好似印有MIRROR同AK個名嘅電單車、唔同嘅單曲演唱會海報，一班經常合作嘅幕後音樂人名logo，最估唔到連花姐海報都有啊！MV製作得咁有心思，AK最想多謝嘅當然係幕後團隊啦！而且所有動畫團隊都係香港本土藝術家，專業程度一啲都唔輸外國，再次證明香港出品必屬佳品！
