【viu】只不過係合作ViuTV新節目《拆你個夢》，保錡就認咗杜如風做契家姐，原來佢哋都有一個共通點就係有鋪購物癮！呢日三位節目主持出席記者會，保錡話以後要跟住風姐威威，仲話好期待風姐開倉，以筍價掃佢啲未著過嘅靚衫靚袋同勞力士！嘩下次開倉真係要通知聲啊！講返金像獎頒獎禮上嘅追星奇遇記，保錡話好似發夢一樣，尤其係被張家輝點名嗰刻真係成個人都嚇呆咗，連坐喺隔離嘅肥仔都擔心佢心臟負荷唔到啊！事後見到Phoebus集郵成功仲連環圖放上IG晒命，保錡真係喊咗出嚟啊！不過講到追星，保錡真係要請教下契姐啦！想當年杜如風見到偶像梁朝偉，又攬又咬又Selfie，簡直係fans嘅標杆啊！
