【Viu】Collar成員Ivy So今日孖隊長Gao襯到絕以黑白造型現身尖沙咀，出席手機發布活動。Gao坦白話自己鍾意煲電話粥，因為可以同朋友傾心事，但Ivy就表示較鍾意面對面傾偈，兩人亦自稱唔係機不離手嘅低頭族。
Collar第4首團歌《OFF/ON》日前面世，Ivy話知道大家都覺得好驚喜、特別，因為不論曲風、造型同拍攝手法都係新嘗試。而MV內Ivy身穿紅色吊帶裙谷胸示人，非常性感，當事人話以前喺泳隊時都著過類似嘅泳裝，Gao就提議搵Ivy拍游泳節目可以再大膽啲！即係拍女版《I SWIM》？Gao同Ivy即刻嘩出嚟，又大讚《I SWIM》入面個個仔仔都相當吸睛，特別係Jeffrey魏浚笙個Pat Pat呀！
