【Viu】 真係千呼萬喚始出來呀！Jeremy今年第二首派台歌《九》推出咗喇！相信unicorns噚晚一定睇咗MV首播，Jeremy今次妖艷再升級，化身亦正亦邪嘅九尾狐，以黑白對比造型詮釋善與惡，為大家帶嚟超強烈嘅視覺衝擊！而喺MV首播之後，Jeremy都即刻開Live，第一時間聽吓歌迷嘅feedback，唔少人都留意到佢今次刻意改變唱腔，但其實新歌仲有另一大彩蛋，就係有好兄弟Jer幫手吹口哨，真係估佢唔到啊！而且新歌製作班底除咗有Carl叔叔之外，仲有張繼聰擔任作曲，呢個組合夠晒新鮮！而噚晚個Live Jeremy都有提到參加完金像獎頒獎禮嘅心情，諗返起都覺得超興奮啊！事關可以近距離見到張家輝、劉德華呢班大前輩，而且仲見證《半》嘅MV女主角廖子妤獲頒最佳女配角獎，Jeremy都好戥佢開心啊！
