【Viu】樂迷又有福音啦！再有一位「造星」成員加入香港樂壇呢個大家庭，講緊嘅就係「神經刀」CY陳宗澤！首支派台歌邀請到神級班底，吳林峰作曲、「鬼才」Wyman填詞、Carl叔叔任編曲同監製，而首歌咁啱又係叫《神經刀》，仲唔係專登為佢度身訂造？就連CY都自覺簡直同歌入面個主角一模一樣，唔覺意周身帶刀傷人，直腸直肚嘅性格就最容易「瀨嘢」！
雖然隔咗兩年先出道，不過CY都有keep住曝光率，例如唱吓cover、主持ViuTV《囝囝女女730》，同埋！原來佢仲跳埋入大銀幕，喺電影《阿媽有咗第二個》入面飾演學生，一齊嚟聽吓佢點講啦！
