【Viu】P1X3L成員Phoebus吳啟洋，上星期推出第一隻solo歌《漸漸地》，MV推出後最高登上熱門影片第4位，Phoebus又得到唔少網民大讚佢唔只係sell樣，把聲好聽又溫柔，為咗答謝fans支持，Phoebus呢日帶大家遊巴士河。掛滿Phoebus《漸漸地》横額嘅開篷巴士，由尖沙咀出發去到九展，人生第一次坐觀光巴士嘅Phoebus都特別興奮，佢仲Set咗個型仔髮型，不過一開車就比風吹亂曬，仲要畀fans影咗好多黑圖添呀！
Phoebus喺途中一路同fans傾偈，更唔少得合照環節，令fans最興奮嘅moment，當然係重演《漸漸地》 MV挨膊頭一幕，隔住口罩都Feel到大家嘅熱情！Phoebus事後都感恩話：「嗰日天氣好好，加上我哋係由黃昏搭到夜晚，路程中要經過唔同隧道，感覺好似玩緊過山車咁。好開心有呢㗎《漸漸地》巴士，多謝粉絲同公司畀咗一個咁好嘅回憶畀我。」
