【Viu】 ERROR成員吳保錡、Cloud雲浩影、CY陳宗澤同Aiden洪助昇噚上咗MOOV開Live，大家都唱出新歌，十足都《造星I、II、III》Re-U一樣熱鬧呀！Cloud大讚保錡皮膚好兼好香，大佬就解釋因為用咗C朗香水！Aiden就N年前Casting已經用錢掟過保錡；CY亦喺朋友新店開張已經見過保錡㗎喇，睇嚟保錡真係相識滿天下喎！
保錡就話今次見到師弟妹好開心，大家一齊做新人，證明ViuTV創造咗好多奇迹，成個樂壇都流住ViuTV嘅血。咁新人獎會唔會敬老讓畀保錡，Cloud同Aiden都話會；CY就希望友誼第一，不過保錡就唔敢拎喇，事關Jeremy@MIRROR都係今年新人，對手好強㗎！
