【Viu】今日MC張天賦為美國鞋履品牌嘅沙田新城市新店做一日店長，喂呀邊有咁靚仔嘅店長㗎，可唔可以幫小編試鞋呀！MC話佢喺加拿大讀書時都做過售貨員，「不過嗰時就冇做到店長咁勁，只係賣霓虹燈嘅sales啫！不過我都係鍾意唱歌多啲！我鍾意唱歌、我鍾意唱歌……」重要事的確要講三次。
MC話當時都有遇過麻煩客人，「總有嘅！不過唔係好多，但係我最怕就係遇到啲要退款嘅客人，咁我咪慢慢解釋俾佢聽，唔退款換第二啲得唔得呀？」唔知對待靚女客人又是咪會有耐性啲呢？而嚟緊6月中MC又有新歌《老派約會之必要》上架，今次佢仲有份作曲，咁靚仔又有才華得唔得㗎！想知多啲就click入嚟睇片吖唔該。
