【Viu】早排因為同MC張天賦行超巿而傳緋聞嘅前熊仔頭成員Santis陳濬樺，今日同《#PTGF出租女友》女星Amber葉俙賢出席NFT交易平台記者會，Santis話冇打算將超巿同熊仔頭元素加落NFT，又指同熊仔頭和平解約後，已經冇聯絡，要保持距離喎！講到熊仔頭喺ig story話天蠍座嘅女人好恐怖，Santis唔會對號入座，雖然佢哋拍過拖，但係唔知男方平時有冇追開星座喎!
Santis話天蠍座嘅自己比較慢熱，咁要識咗幾耐先可以一齊行超市呢？佢嘅答案都一樣好笑㗎！佢話同MC都冇聯絡，但係唔介意再合作拍MV，會好好把握工作機會。 此外，Amber自爆經常喺ig收到露械相，笑言最可惜冇人問價，連出價1000蚊都冇呀，又口快快講咗如果1000萬會考慮。如果鍾培生搵你又點先？佢反而耍手擰頭喎！
