【Viu】吳君如、鄭中基、呂爵安、袁澧林、林家熙、胡子彤，呢日聯同導演Coba鄭晉軒，一齊為新戲《闔家辣》宣傳造勢！佢哋仲一齊坐電車遊港島，過千Fans圍觀影相場面超墟撼，仲出動埋警察哥哥添！電影幾經波折終於可以喺新曆7月14上映，吳君如係佢「死爭返嚟」！如果票房成績好，君如仲代Edan應承大家，會送簽名海報回禮！MIRROR演唱會雖然公布咗會採取實名制買飛，但係黃牛依然猖獗，仲有人將門票炒到400萬一張，Edan聽到都嚇一嚇啊！不過君如同一班劇組演員都有Edan照住，唔使撲飛，真係葡萄死人喇！
