【Viu】《Chill Club推介榜年度推介21/22》噚晚舉行，事前備受矚目嘅年度新人獎由MC張天賦獲得，不過佢就唔認為呢個獎係自己同Edan之爭，仲話Fans之間難免有比較，最緊要係做好自己嘅分內事！想當初MC係參加《全民造星II》出道，今次返嚟ViuTV攞獎，佢都覺得特別有意義，問到MC點樣慶祝？佢就話想去唱K大嗌一次，MC仲透露演唱會已經籌備緊，各位賦二代記得準備好把聲，到時同MC一齊大嗌啦！
唔覺新人金獎係自己與Edan之爭 MC透露演唱會籌備中
唔覺新人金獎係自己與Edan之爭 MC透露演唱會籌備中
