【Viu】 最近疫情放緩都多咗event舉行，呢日MC張天賦出席品牌活動都大叫前一晚興奮到瞓唔着。講到佢近排都開唔少唱歌live，佢搞笑話係因為驚走粉，最後但點估到佢個鼻哥窿成功吸粉無數：「（吸粉）唔關鼻哥窿事嘅，係因為我夠真囉！」MC講完呢句都忍唔住笑！
同場嘅Locker話疫情好番啲都多咗唔少job，仲開到聲話想同女友Kayan一齊出品牌活動，因為可以趁機向女友偷師學擺pose，乜咁謙呀！講起Kayan大前日post嘅嗰條放閃片，意外被打兩巴嘅Locker大呼被整蠱：「我同佢講要有定心理準備，我隨時擸刀⋯切生果畀佢食！」
