【Viu】MIRROR為紅館演唱會打造嘅最新團歌《Innerspace》，噚晚公開MV幕後花絮，好難得可以睇到一班鏡仔喺放Break Time時嘅真實一面！副隊長AK就最勤力休息時間都背劇本，Frankie同Stanley就把握時間補眠，Jeremy同姜濤就最貪靚，搵髮型師執頭！不過遊戲時遊戲工作時工作，鏡仔們為咗MV呢幕水舞間，真係捱咗唔少苦，副隊長AK凍到打晒冷陣，真係心痛死人喇！不過都有兩個百厭星Stanely同阿Jer，拍MV時大力踩水，搞到其他成員成身都濕晒，尤其係阿Jer仲引發眾怒添啊！
