【Viu】Jer新歌《離別的規矩》嘅MV上架兩個幾星期，已經將近130萬點擊，今次新歌Jer一改佢狂野一面，用溫柔嘅聲線唱出離別之情，Jer都話好有挑戰性，因為首歌係比較un嘅歌，而佢又要用一個比較慢嘅方式去演繹！而喺編曲上，Jer都大膽提出自己嘅意見，希望成首歌簡約一啲，以人聲為主，亦加入咗一啲中式樂器，例如笛同蕭，再結合西方弦樂，產生好好嘅化學作用！講到小克喺推出新歌之前，曾經公開讚Jer嘅演繹會令大家耳朵懷孕，Jer就好謙虛回應話唔係佢一人之力,希望大家用心對待每一個單位嘅創作。
最近Jer亦為一個汽水品牌擔任代言人，拍攝宣傳短片嗰陣，Jer喺空檔期間，仲拎拍攝用嘅假冰嚟玩層層疊，咁cute得唔得㗎？
