【Viu】軒公最近又有新搞作，有手機品牌邀請佢做導演、陳詠燊編劇、陳湛文同《造星3》既Buber麥詠楠揹飛擔任男女主角，拍咗齣全手機拍攝嘅微電影《前夫的愛》！雖然故事純屬虛構，但現實中軒公都真係遇過類似情況，曾經被朋友問可唔可以幫手拎到MIRROR海報，仲話不惜代價，只係想送俾太太做禮物氹佢開心！所以軒公好想將呢個故事拍成電影，向一班「前夫」致敬！雖然今次係軒公處男執導，但專業表現就得到台前幕後一致好評！而微電影中呢張人人都想擁有嘅海報，雖然遠睇似係MIRROR，但實質海報上12個人都係軒公，呢張咁珍貴嘅P圖，澱粉們係咪好想珍藏呢？
