【Viu】韓國男神Rain、香港男神Jeffrey、女神蔡卓妍（阿Sa）、林嘉欣、方力申、馬天佑同倪晨曦等今日去澳門出席活動，日前拍戲頸受傷嘅Jeffrey帶傷上陣，親自還原受傷經過，原來係畀Wakesurf嘅繩索圈頸幾秒，險象環生，佢都直認係生死一刻，仲畀經理人踢爆驚到喊！不過，樂觀嘅Jeffrey就話只要依時洗傷口就OK，就算留疤都冇所謂，仲搞Gag話：「男人大條啲都好！」
至於阿Sa就讚Jeffrey傷咗都好靚仔，獲對方讚「識嘢」！對於好姊妹祖兒爆阿Sa同石恆聰復合，佢就反指祖兒「思覺失調」，仲再三強調當初分手同前港姐梁超怡無關。
而方力申就以「幸福笑」嚟回應太太葉萱懷孕傳聞，仲話自己同「蛇B」好夾，但生B一事順其自然！此外，Rain就透露要為拳擊新劇操肌，仲預告8月再襲港開騷！
