【viu】Jeffrey魏浚笙同Elva倪晨曦今日出席品牌活動，身為「新一代講經王」嘅Jeffrey，今日又發表偉論，沾沾自認因為拍新歌《老積》MV而學識「動物傳心技能」，MV中有份出現嘅羊羊同松鼠都有喺動物界幫佢宣傳，又笑言有「必勝之術」，可以帶埋傳媒朋友去馬場一齊贏錢，笑到有腹肌呀！識傳心都未夠，Jeffrey最近仲拍緊新電影，動作戲連場，仲自覺受傷都好Man，真係「中二」到盡頭呀！
講到唔少Fans cap咗Sammi演唱會片段Tag Jeffrey，佢就話聽晚會去睇騷，如果天后Cue自己上台合唱，絕對無任歡迎！早排幫《玩轉腦朋友2》嘅「阿尷」配音嘅Jeffrey，又開心share 9年前睇第一輯時係「溝女戲」，woo，咁true得唔得㗎？
此外，剛為第三胎坐完月嘅Elva，透露仲有8kg先回復產前體重，又分享「入風」慘劇同埋湊三個仔嘅崩潰實況，想知就睇足本訪問啦！
