【Viu】Joyce鄭欣宜、Jeffrey魏浚笙、Amy Lo盧慧敏、柯煒林、廖子妤同倪晨曦，今日珠光寶氣出席活動，閃到爆呀！最近密鑼緊鼓籌備演唱會嘅Joyce，好開心優先訂票火速售罄兼加場，所以每日都落力排舞，搞到周身瘀，誓言唔止跳甩肺，直頭要跳甩鞋！不過佢笑言自己冇飛債，因為將責任「射波」畀助手，又慨嘆買唔到MIRROR演唱會飛，但唔會咁黐線自薦做嘉賓當睇騷咁話！
至於「依夫人」Amy Lo就相信會有飛睇MIRROR，如果冇就等出碟囉！講到Ian下個月生日，Amy話多謝提醒，會諗吓點樣慶祝，又自爆因為大懵而冇將ig頭像換成Ian推出嘅愛犬NFT，認真搞笑！
