【Viu】Elva倪晨曦、新手父母Phil林奕匡同Rikko李靄璣、林嘉欣同Gaile樂基兒、劉俊謙同女友蔡思韵等今日出席珠寶活動，兩位靚靚大肚婆Elva同Rikko不時摸肚晒幸福，Phil仲冧爆錫錫老婆，閃到核爆呀！
Phil同Rikko分享首次榮父母嘅喜悅，Rikko仲自爆瞞住Phil著5吋高踭鞋，又笑指老公變得囉唆；Phil就話最辛苦係守秘密，仲話同家人報喜時流馬尿，啲幸福飛晒出嚟呀！
至於四年抱三嘅Elva就大方分享遮肚秘訣，仲笑認有P圖，咁true得唔得㗎！講到全城集氣佢追個女，Elva就未知第三胎嘅性別，仲爆兩位哥哥對BB有咩訴求，Cute爆呀！
此外，Gaile直認有朋友介紹男仔，但冇新戀情。林嘉欣就話戴住成層樓咁貴嘅珠寶，緊張到唔敢去廁所，影后仲放風想同新導演合作，唔介意減片酬咁話！
