【Viu】恭喜發財！今日農曆年初三，俗稱「赤口」，相傳呢一日特別容易同人發生口角，好多人都唔會喺呢日去拜年。小編早前特別訪問咗一班藝人，包括：AK、Lokman、Stanley、Jeremy、Frankie、肥仔、Dee哥、保錡、193、阿Sa蔡卓妍、張繼聰、Stephy鄧麗欣、Jeffrey、Kayan9896、希晉同埋麗英，邀請佢哋講講最激氣嗰次嗌交，當係應咗節，點知個個都講到七情上面、好有畫面！
Dee哥、193因為「腳」嘈交，咁搞笑？兩位當事人解釋係理性嘅醫學討論，肥仔、保錡就叫佢哋上擂台打返場，背後原來有個大陰謀，笑C！AK諗起同愛犬猜柴因為一樣嘢嗌交嗌到好激氣，至於Frankie嘅經歷就可能會令大家好有共鳴，就係阿媽睇唔過眼出手幫佢執房而令佢大爆發呀！講嗌交都阻唔到「愛妻號」阿聰「放閃」，佢仲醒咗金句畀大家添，快啲click入嚟睇片啦！
