【Viu】要來都來了！喺演藝歌劇院上演嘅舞台劇《笨蕉大劇院》，日前一場因超強颱風樺加沙而延期至今晚，變成第50場最終場！林海峰完騷指今次可以同一班重量級人馬合作好開心，講到佢一知Will柯煒林獲馬金提名影帝後即改台詞，林公子話係鼓勵嚟嘅，亦對阿Will咁快就歸隊表示好興奮呀！
今次場場爆滿咁受歡迎，好快re-run會見fans？點知林公子自爆下次想開50場軟硬演唱會？仲要係喺羽毛球場搞咁別開生面？係咪堅㗎先？葛民輝亦有為上次睇完舞台劇《Di-Dar》遇車禍一事報平安，佢話呢件事好邪㗎，到底邪喺邊？對於有傳MIRROR全員將缺席叱咤，林公子就超玄解說，仲爆埋自己唔做我最喜愛獎項嘅頒獎嘉賓？
早前自爆確診肺腺癌第四期嘅Will Or，首次受訪update病情！佢透露依家喺藥物、舞台劇同伴教發聲方法雙管齊下之下，中氣比以前更足夠！Will又指醫生專登嚟睇佢演出鼓勵佢，仲話只要控制好病情就冇問題，希望可以繼續用藥物控制變長期慢性病：「多謝大家關心，我冇事返咗嚟啦！」
主演電影《觸電》票房破百萬，Will指會密密謝票，許願遲吓票房過千萬，到時再派special福利，莫非會出動二頭肌？而佢自爆當知道入圍金馬影帝後，第一件事竟然唔係慶祝？
Rosa韋羅莎大讚舞台劇新人Will好快就into劇本，有舞台劇演員嘅charm！電影《風林火山》近日上畫毫無宣傳，睇演員陣容有見Rosa個名，但上映就冇佢影，戲份被刪減，Rosa坦言係有少少唔開心，但尊重導演意思，覺得能夠參與已經好榮幸！
另外，《笨蕉大劇院》發起人俞琤喺謝幕驚喜現身，大爆原本劇名為《三七二十一》，原來背後隱藏軟硬出道小秘密！而黃秋生、AK等則有送上花籃祝賀！即刻去片睇足本訪問啦！
