【viu】萬眾期待嘅《軟硬廣播道3號FANS殺人事件》今晚喺亞博開唱！舞台設計完美copy and paste商台門口，變成「商」台超有心思！軟硬以《For You》打頭陣，以紅白藍配色look現身，獲全場fans熱烈鼓掌歡迎！
頭part出場嘅嘉賓有華納三小花，Moon Tang、Kiri T、Gigi張蔓姿，同軟硬jam 《點解要大家笠》、《Why Do Fools Fall In Love》，由「林公子」林海峰行頭lead住咁多位行勻成個台打招呼，又搞笑形容華納三小花做「Global Artist」，自稱係軟硬忠粉嘅Gigi仲趁機搲簽名添！
之後嘅嘉賓單位越嚟越大粒，草蜢閃爆現身！又一段那些年「草蜢森巴大戰軟硬Fans」嘅回憶，5子跳唱炸爆亞博舞台！跳完阿葛笑企C位嘅蔡一傑成日跳錯，但最好笑係軟硬最後「回禮」草蜢，唱樂悠卡主題曲「嘟一嘟 樂悠悠」送畀最快登「6」嘅蔡一智！軟硬仲大爆草蜢係樂壇中成日鬧交，但又唔會嗌拆夥嘅組合！快啲去片笑餐飽！
