【viu】「軟硬天師」林海峰、葛民輝喺拉闊騷《軟硬廣播道3號FANS殺人事件》大晒舞技，二子笑話濕濕碎唔辛苦！聽到阿葛搞笑糾正蔡一傑啲step，林公子抵死稱軟硬係「靈堂級組合」，唔敢挑戰樂壇「殿堂級組合」草蜢！
林公子成晚貼心提點阿葛走位，一人記兩個人企位，阿葛sweet爆話係恩愛嘅表現！提起軟硬爆草蜢係成日鬧交反面嘅組合，唔知林公子同阿葛係咪成日都嘈交？
Eason陳奕迅壓軸登場，亦係佢休克受傷後首露面！軟硬笑話喺好耐之前已經邀請咗佢，知道對方受傷後一直唔敢reconfirm仲做唔做到嘉賓，懷着忐忑又安心嘅心情耐心等候，不過萬一Eason真係嚟唔到，林公子話冇Plan B嘅，因為冇人可以取代佢！軟硬又點答謝Eason今次做嘉賓？遲吓係咪堅同Eason組隊battle草蜢？
Cloud做嘉賓大唱廣播劇主題曲嗰段，林公子笑談老婆彭羚，佢話啲讀白係公司同事寫，大爆最後嗰句「郭富城最終係冇同彭羚一齊！」本身係有3個version咁多！問林公子點解唔直接搵老婆上台唱《未完的小說》？佢又點答？佢搞笑話私下成日「焚」機聽《未完的小說》，慢歌都可以聽到咁high？
另外，商台台慶廣播劇《微涼之夏》就快有得聽，主角之一嘅林公子有咩內幕爆？兩位年青版Edan、林家謙表現如何？唔再講住啦，林公子急屎要趕返屋企喎，睇足本訪問片啦！
