【viu】《軟硬廣播道3號FANS殺人事件》驚喜陸續有嚟！Eason陳奕迅都嚟撐軟硬，喺演出尾段驚喜登場！全身黑look嘅Eason，早前因打波中暑休克，撞傷下巴縫30針，做唔到內地演唱會，今晚佢傷後首次公開現身，超級surprise！見Eason下巴皮膚滑溜，佢大讚係醫生手勢勁好，所以冇破相！
阿葛大爆受Eason嘅媽咪所託搞裝修，畀林海峰截停佢防止爆料，驚重演喺台上吹足30分鐘嘅黑歷史！軟硬仲想拉Eason組隊，遲吓同草蜢battle，唔知Eason又制唔制呢？之後佢哋high爆跳唱《重口味殺人事件》，台下fans企晒起身，呢段係全晚最hyper！Encore嗰陣軟硬拉咗全商台DJ上台唱《老人苑》，快啲去片啦！
